Кніга «На добрай зямлі» вядомага беларускага журналіста, пісьменніка Міхаіла Шыманскага — гэта шчыры расповед пра самае святое — нашу Бацькаўшчыну. Усхвалявана і душэўна, з філасофска-лірычным роздумам раскрывае аўтар вобраз Беларусі. Галоўнае ў аповедзе — наша матэрыяльная і духоўная спадчына. І, канешне, памяць пра гераічнае і трагічнае ў гісторыі беларускага народа. Гэта неацэннае нацыянальнае багацце, якое мы павінны берагчы, бо гістарычная памяць — сумленне народа; яна дае нам жыццёвыя сілы.